Deialdi honen xedea Mendiko Lagunak Klubeko bazkideek 2024. urtean 'ML Beka' eskuratzeko eskabideak arautzea da.

Mendiko Lagunak elkarteak interesdun guztiei  deialdiaren berri emango die www.mendikolagunak.eus webgunearen, sare sozialen eta iragarki-taula ofizialaren bidez.

Mendiko Lagunak elkarteak, bazkideekin eta laguntzaileekin konprometitutako gizarte-aktorea den aldetik, naturarekin eta mendiarekin zerikusia duten proiektuak bultzatzea eta laguntzea beti izan du helburu. Proiektu horiek, urteetan zehar, askotarikoak izan dira, hala nola, alpinistika- eta kirol-proiektuak edo naturan eta mendian kokatutako proiektuak.

Horregatik, duela urte batzuk, "ML BEKA" sortu zen. Klubak, proiektuen kostu ekonomikoan laguntzeko eta proiektuak hedatzen laguntzeko, bazkideen eskura jartzen duen urteko beka da.

ML BEKA, azken urteotan ez da aurrera eraman. Hala ere, klubaren eta bazkideen hazkundean sakontzeko egindako ekarpen ugarietako bat izan da beka hau. Hori dela eta, egungo zuzendaritza batzordeak ML Beka berrezartzea erabaki du.

Beka honen helburua mendiarekin zerikusia duten hainbat motatako proiektuen gastuen zati bat sustatzea, ikusaraztea eta ordaintzea da.

Atxikitako federazioaren barruko modalitateren bati buruzko jarduera-proiektuak, mendiarekin zerikusia duen edozein ezagutza-arlotako ikerketa-proiektuak eta mendizaletasuna eta klubaren balioak sustatzen dituzten ikus-entzunezko ekoizpenak.

Beka jaso ahal izango dute Mendiko Lagunak M.T. elkarteko edozein bazkidek gidatutako proiektuek eta jarduerek. Beka eskatzen duen bazkideak gutxienez urtebeteko antzinatasuna izan behar du. Eskatzaileek eta proiektuko kideek deialdi bakoitzeko proiektu bakarrarekin parte hartu ahal izango dute.

Bekaren onuradunek ezin izan dute proiektuaren eskatzaile gisa parte hartu aurreko urteko deialdian.

Eskabideak 2025eko urtarrilaren 1etik otsailaren 15era (egun hori barne) aurkeztu ahal izango dira. Eskabidea web orriaren bidez egingo da, eskatutako dokumentazio guztia pdf artxibo bakar batean erantsiz eta formularioa betez.

Eskabidea telematikoki aurkeztuko da www.mendikolagunak.eus webgunean horretarako prestatutako formularioaren bidez. Nahitaez aurkeztu beharko da deialdi honetan eskatzen den informazio guztia.

* Egin beharreko proiektu edo jarduera motarekin lotutako parte-hartzaile bakoitzaren datu pertsonalak, curriculuma eta esperientzia, proiektu edo jarduera hori betetzen dela gutxienez egiaztatu edo bermatu ahal izateko.

Mendiko Lagunak Mendi Taldearen Zuzendaritza Batzordea aurkeztutako proiektuak aztertzeaz eta proiektu irabazlea erabakitzeaz arduratuko da, interes, balio sozial, kalitate edo bideragarritasunaren arabera.

Klubak beka eman gabe uzteko eskubidea izango du, proiektu batek ere gutxieneko kalitate-estandarra beteko ez balu.

Erabakiaren aurka ezin izango da errekurtsorik jarri.

Ebazpena, baiezkoa edo ezezkoa izan, e-mail bidez jakinaraziko zaio aurkeztutako proiektu bakoitzari. Ebazpena 2025ko otsailaren 29an jakinaraziko da.

Klubak, gehienez, 600€ eskainiko dizkio aukeratutako proiektuari, urtarrilaren lehen hamabostaldian.

Salbuespenezko arrazoiak direla medio, klubarentzat interesekoa den proiektu bat baino gehiago egonez gero, klubak diru kopurua handitzeko edo zatitzeko eskubidea izango du.

Proiektuaren informazioan, propagandan edo argitalpenetan Mendiko Lagunak M.T. erakundearen lankidetza jasotzea, ahal den heinean.

Klubari prestakuntza eta garapenaren berri ematea.

Proiektuaren gauzatzea edo garapena azaltzea hitzaldi edo proiekzio baten bidez, Mendiko Lagunak M.T. elkarteak azaroaren erdialdean naturari eta mendiari buruz antolatzen dituen jardunaldien barruan. (Proiektua data horretarako prest ez badago, aurrerago beste data bat bilatuko da)

Diruz lagundutako proiektuari buruzko amaierako memoria bat aurkeztea, gutxienez 10 orrialdekoa. Memoria hori klubaren webgunean argitaratuko da, kontsultatu ahal izateko.

Proiektua egiten ez bada, edo, hala badagokio, oinarri hauetan aipatzen diren laguntzak emateko erabakigarriak diren baldintzak betetzen ez badira, diru-laguntza kendu egingo da, eta jasotako zenbatekoa itzuli beharko da.