Goian bego alberto eta mariano!

ALBERTO ZERAIN mendizale Arabarra joan zaigu, Mariano Galván mendizale Argentinarrarekin batera. Alberto, Mendiko Lagunak Taldearen parte izan zen urte askotan zehar, behin baino gehiegotan izan genuen Mendi eta Naturari Buruzko Jardunaldietan bere espedizioen berri ematen, baita Gorobel Ibilaldiko antolakuntzan bere kamioarekin bolondres gisa lanean aritu izan zen, mendiko osatzen dugun familiaren parte izanez.
Gazte eta ez hain gazteen artean erreferentzia izan zen eta izaten jarraituko du. Nanga Parbat-en (Pakistan), “Mendi Bilusian”, munduko bederatzigarren tontor nagusienean, Mazenoko ertz ikusgarrian, elur-jausi baten ondorioz izandako istripua dela eta utzi gaitu.
“Urrutira, txori izan eta gero eta gorago hegan egiteko nahiaz joan nintzen. Mundu osoko malko guztiak dituzten begiengatik” [Mirian García Pascual]
Gure doluminak eta animo handienak familia eta lagunei.
Goian bego Alberto ta Mariano!